Rawang Grammar (Kàrutóng) by Peter Yintv̀ng

Rawang kàru mv́nyàngà mèpvng, grammar dangtaq "kàrutóng" yabok nø nv̀mlat bok gø í nø̀ zìdvng vl we tiq bok íe. Yaboktaq Rw kàru nø vháng, vsip xaq màzv́ng mvdaq we, (-) yacv̀ng gø negative sign dvpvt lv́ng mvrà we, kàrøn (:) yacv̀ng gø lv́ng mvrà dang, c tvle nø s cv̀ng lv́ng vdu we, x nv̀ng c nø nv̀mlat RW kàru mánò dvgvp lv́ngyàngà dø té xvla dang nv̀ng bv̀nlìkà (verb) kadø bv̀nlì wa tvrà tiq xvle pǿnyàngà. Yabok nø 1992 nǿngtaq sing àng we Rw xaqré xaqtvng xvngbesv̀ng gø tunyàngà. Yaboktaq xúnyàngàrì nv̀ng pǿnòrì nø vdu we gvzà vbáe. Xvkse nø: 2009 nǿng Rw Bible Committee í xvlèbǿà we "Shànshér Kàru" boktaq (-) yacv̀ng gø àngwà dø mvlv́ngbǿà nø̀ kàrøn (:) cv̀ng gø àngwà dv́ngte mvlv́ngbǿà, vrá vháng vsipxaq gø mvme zv́ngbǿà nø̀ kàkø̀m mvzuqrì gø mvme dvsøpbǿà... yarì nø yabok "Kàrutóng" Svra Yintv̀ng Søní xúnyàngàrì kadø vsv̀ngrìí sínglúngà nø lv́nglúngà xvkse íe. Rø̀mnvng nàí gø study wáxì lún lv́m rvt yayv́ng dvsakngò we íe.